A1: hommage a die kunst Das isch en hommage a die kunst / vode räuber und prolete stoners und poete / träumer und prophete mini homies sind no dete / streued noii these chönds au ohni die monete / gseh nüt nois i dere szene bring drum flow in oii mitti / d wort won oi no fehled en hort vo grosse lehre / s isch e pforte zu de seele und de postmoderne wehe / vo dem belesene emcee dem verwegene genie / dini präsenz isch de bewiis dass de känner nöd verschwindt / ich zieh vom leder geg de find nöd wie lenin gäge links / nur vereint häts au en sinn und du sehnsch di nachme ziel / lug ich zeichne der es bild es isch verewigt ide silbe / woni träge wienen schild ich lehn mi uf wie spartakiste / mach us bulle pazifiste dänn oise unmuet wird si richte / mini crew us anarchiste --- hippies kommuniste / bringt dr musig anti krise chalti chrieger am vernichte / sie mit voodoo am vergifte wieder zyt für es gedicht / bruch en beat bruch en stift und quadratdurchsetzti siite / gib dem stil es nois gsicht bring de glichmuet usem gwicht / ihr händ igluegt ichs im griff all die yuppies sind en witz / ufme blindflug dur das biz ich halt mi fern vo all dem shit / und halt mi z bern uf i de riit- schuel oder zwinti ide gisi / wahri wert – junge schliifts? --- suechsch no oder findsches / falschi fährte uf dem iis leg e spur i mine ziile / alli räpper usser sich han respekt fürd pionier / vo dere strassetanzkultur es git kei beats meh so wie die / alles massewar tortur drum gahni zrug is quellgebiet / suech im wald nach de kontur vo de roots woni so lieb / da gits hallus vom konsum ---- spitz die ohre / gib dem flow e politur bises glüeht uf dere strecki / wie de ofe woni schrub für all die müehsal gits am änd / d belohnig wo du bruchsch chüehl die wunde wänn si brännt / mini wort sind dini kur A2: gossedialektik Eine vo de letschte / vonere sterbende art niemert färbt meh die wand ah / wer merkt na was abgaht mier erbed de waldbrand / wo herrschaft entfacht hät es dreht sich umd marktmacht / verwertet und abgfuckt die gossedialektik / sorgt fü brännendi barrikade stell die drängende frage / nach de mängi partisane womer bruched ide strasse / zum die gägemacht entfalte s isch de kulturelli biitrag / zur verändete debatte ich sände wasi schribe / dur die alag i dis ohr ich kämpfe und ich liide / was nöd afangt wird nie gross de beat isch nu s vehikel / vo dem absatz uf mim block ich zieh das fazit us de krise / setze d staatsmacht unter schock in akte am vermerke / bassverstärker flammewerfer d strasse ghöred ois / ja die fronte sind verhärtet sovil hass so wenig freud / was händer s gfühl wo chunt das her mir sind meh wie nu de nachschub / für das arbeitsloseheer uh – das git ärger / mit de bonze ihrne scherge i dem scheissland ide berge / wo si wohned klirred scherbe lueg si ah di meiste hetzer / sind nu wohlstandschauviniste ihri bsitzstandswahrig / brucht es volk vo poliziste gibe kontra mit dem mixtape / wäni losziehn ide nacht mit de homies und ellei / jedes vorbild isch im knast oder gstorbe ide kämpf / ich schrib e chronik für die klass für oisi streiks und oisi ufständ / länk min zorn gäg alli macht schrib es gägestuck zu dem / was d essenz vo oine flows isch mis rasende grosshirn bringt / de totschlag id schonzyt e klassischi vertonig / vom kombinat fortschritt marxistischi bedrohig / mahned goliath zur vorsicht schrib de satz im mondliecht / vo rauchpetarde dämpft i de nach gsehsch es zornigs / zeiche ade wänd dänn min albtraum isch die ornig / wo all tauched nachem gäld alles ändet i dem vortex / glaubed waser wänd wer erstarrt vor luuter ehrfurcht / en sunnesturm am wüete vom saturn bis zum merkur / und im untergrund am üebe die gedanke wohlbehüetet / d prognose blibed düster sind verscholle ide wüesti / us dem chnolle gits e blüete -- d rohform vode tüte / wo die folter chli versüessed -- si poltered und schüssed / alli tüend als ob si müessted dreh ufs elfi blib am strom / beat isch heftig ich de glon hol nu dini million / ich texte wiiter autonom A3: grasbrand Permanent am rauche / wied fuessspur vom tüfel dank de lunte woni baue / bhalti bluetdruck tüfer vieri zwänzg lunte brännt / scho vor schuelschluss am schrüble ersti grossi liebi jane / -- du mueschs nume gspüre besti szene i dem film / mach mis ding us de zyt - check de siitehiib / falschi bilder ufem schirm bin am text schriibe gsi / beat uf endlos repeat - es isch wies isch / wissi wänd voller schrift definiered mis quartier / woni läb woni rauch woni dänke ohni pause / woni sälte misstrau wo min traum ich verbau / ich verchauf min sound dir für lau du so wow / underground pow pow untermalig für din alltag / ohni raster unerfassbar napalm entflammbar / e radikali massnahm wied bud woni zermalmt han / klare fall – grasbrand mir isches glasklar / erfahr was ich erfasst han mini laster am vergrabe / ich verstahn was ich verpasst han verprasst han unufhaltbar / aber tanzbar isch mis mantra würkli meh geistig beleidiget züriberg leistigsverweigerer für di meiste e steigerig wil di chleider dir verleidet sind häsch du din style jez so verpeilt versifft han mal vorher einisch de spliff ellei erhitzt jez teili witz uf dene beats bi sächzah bit en ächte hit de frächi shit wos dir da git wie mir das lied vo dene det de chettesatzpoet / de gägesatzmagnet mit em meldeblattpamphlet / so ändet de planet wiene gschändeti favela / mach si fertig ohni schema kei verwertig anathema / wie de staat und malatesta das isch schwarzmarktmagie / gäge d gsamtapathie won ois alli abezieht / i die apassti zyt de ganz tag so vor mich hi / am drifte in schrifte vo hegel bis nietzsche / gedicht am errichte uf sand als fundament / mini basis am shifte di finali verdichtig / vorem agriff ufd spitze doch wer will si scho erreiche / was di meiste so meined isch meistens nu leischtigs- / gsellschaftlich zeichnet ernst wirds mal einisch / und weisch s gsehts e keini und keine und keis / dänn de steil wäg isch steinig --- mini meinig / ischs handbuech zum ustritt de mah suecht sis glichgwicht / han en hang zu de musig wo bricht mitem standard / mir git d klangfarb de usglich usem alltag e fluchthilf / cha lang gah bisi duss bin A4: bildsprach bilder wo lüged / lügner wo sich bilded gschribe ide büecher / die wünsch wonois triibed wie hirte die herde / ich bewirte die erde mit de ziile wo da werded / wie fänster zu scherbe wänn de brüeder ade regler / die bassdrum peglet endlich wird wieder gcheglet / mit de staatsgwalt gschleglet los das ah sie händ / ois nu halbgar gkneblet alli wüssed da wird / ohni haftstraf gfrevlet dänn die gsetz gelted nume / wänn d schmier di verwütscht gspür de erstweltechummer / wänn papier dich beglückt mich hät de wahnsinn entrückt / ide manier vome güff nachem schaffe vorem schlafe / ich flanier ganz entzückt uf de uferpromenade / idem summer ohni frage alles klar d wält es buech / blätter ume wänis wage und entdeck e noii siite / mängisch dunkel oder tragisch oder tröstendi gedanke / mach mi uf zu noie tate B1: basilisk Es git kei uswäg nu fustschläg / für nazis und stuunendi losers wo lueged als / wär all das gemuule vo dem rappende judas / de endlosi ufsatz di höchsti vo de stufe / ich bränn für mini ufgab dir erschiint mini durchsag / wieme priester d maria das lied da macht dich ah / es entspricht dire liga wie d fuscht dim aug / turmbau zu pisa alles wankt und kollabiert / trotz em umbau am iigah din horizont en chreis / mit radius null nännsches din standpunkt / klar wirsch en bull schwarz ischd kontur / woni mal uf die muur tüfi nacht uf de uhr / mini gratiskultur liit im schatte uf de luur / hinterlaht der e spuur und verbreitet die furcht / s isch e gfahr durchuus basilisk uf dem beat / medusa methode es brucht nur en blick / du häsch de pulsschlag verlore ich untergrabe oies game / wienen sappeur ide mine schick oi zrug uf oi plätz / wie de placeur ime kino das isch revolutionäre / gourmet rap das isch wie luft di am nähre / das isch unbedeckt vodem schnee woner rupfed / yuppie schuppe stress mini lüt oi chli am schupfe / verschlucked oie sekt wänn de beat sich befreit / us de stilli vode rille ide plate wo da sich dreiht / oi killi mit em wille wo sich usdruckt ide parts / mit milliarde stimme all vereint i dere sprach / wo di sprachlose singed frögsch di ob dis läbe / sich langsam endli chehrt s isch zwar öpe na denäbed / aber öpe grad chli sehr was obe isch mus abe / alles flüsst is meer wie min part uf die drums / bald ischs hirni wieder leer bis det ane na paar wort / zu de lag vo dere stadt si isch und blibt mir en platz / schriibes nieder uf dem blatt trotz de bonze und de bulle / und de chile und em knast bin dehei uf ihrne strasse / idem viertel - proletarsk B2: roots ich bränn dänn ich känn / d roots vo dene plates was ois bindet was ois trännt / vo blues zu dene breaks en toast uf alli deejays / kool herc und sini mates dänn de sound chunt usem dub / usem funk us dene crates bis as ändi no am digge / ide läde wo si liged all die vibes die kultur / dusse räge ich da dine wax am spinne uf de turns / am choppe wasi finde so vil dope es isch chli gstört / im chopf vo dem spinner macht dis herz boom bap / de alti schmerz boom weg wänn die kick dich bewegt / wienen oldskool track das sind nineties kombiniert / mitem aktuelle kontext chli homage und chli hymne / wie damals uf de 4-tracks bin nöd eine vo de erste / vilicht eine vode letschte mach das ding bis i veränd / blib am rhyme wie di beste beeil mi blibe fresh / aber keine cha mi stresse alles brucht so sini zyt / und wird meistens nume besser ich bin kein grosse dänker / vilicht nu bloss en stänkerer wo nöd dra glaubt / dass sich das nomal änderet dänn uf dem spielplatz sind / di meiste no am sändele niemert chunt meh klar / doch au niemert mags bemängele es isch wettkampf ohni ändi / so mänge meint sich alphawolf de einzig deejay uf de sändig / competition s A und s O vo dem verschnitt vo dere kunst / kei liebi für mis schwarz und rot mis glas mis dope sie warted scho / näb blatt vom block verlanged scho nach deepere rhymes / und em kritische vibe de spirit vo mim style / wasi mindestens zeig isch die krängig vo dem schiff / d strengi vode zyt chritzles mängisch mitem stift / und verdränges mit de schrift was d chasch schriibe chasch au säge / du wirsch dir selber mal begägne frög di zersch ob das au wetsch / di grössti gfahr isch dis versäge ide auge vo dir sälber / du wetsch das ändi nie erläbe drum blib bi dine liedli / und lah d poete sich verränne B3: chind vo de klass ich mach nu das / woni lust druf han das isch nöd ustuschbar / chum usem sturzflug ah egal wie sie drucked / blib am umsturz drah benenn wasi gsehn / blibe rundum klar selbst komplett betoniert / gahts mr wunderbar chasch vodere stadt nöd säge / da liit die kultur brach niemert sitzt uf dere stäge / super druf und drah a dem tape wo di sägnet / wienen summertag sägs dr klipp und klar / bruch en beat und die bars flüssed straight ufes blatt / nachme spliff us dem gras was du sniffsch mir egal / - scheissegal du musch nöd flowe wie de chef / und nöd pose wie de rest e bizli wortschatz wär no fresh / und en ahnig vome text es git kei note für din style / lueg das alles isch ken test nur es grab voll guete lüüt / darum sorgi chli für stress schalle trotzig dur die boxe / chönt au chotze ab de gäst aber säg ne lieber hoi / und blibe treu zu mine heads dänn kei liebi ohni schmerz und kei diebe ohni cash also schribi a mim werk / bis s au die kritiker no flasht und wänn nöd machi wiiter / schrib die kritike uf hash oder dope oder stoned und dänn plünderi min stash find no wort wo du nöd kännsch / los und fühl was i mier brännt ich bin es chind / vo de arbeiterklass wo i dim hirn / wieder klarheite schafft bringe wahrheit und hass / anstell vo krankheit und spass subsonisch untermalt / di ganzi bandbreiti bass kei wohlstandsgebäll / vo dem grossstadtrebell gäg das morsche gebälk / voller zorn ohni gäld grossi wort woni schnäll / vorem zmorge verteil ---- so isch de style / wott chli strom uf dem mic und e crowd ufem floor / de applaus isch de lohn für klamauk und de hohn / alles schauklet sich ztod mit gnueg fame und me thron / has scho öfters betont unds scho öpe vernoh / drum zerstör ich mit flow all de chindergarterap / wo sich im hinterland versteckt ----bitte gahn mal weg / die kritisch masse brucht en text wo si bewegt und chli verschreckt / das ischs metier vo dene heads wo unbeirrt uf jedem track / dir shit erkläred bises checksch easy jez mini letscht / mehrfachsilbekonstruktion hinterlaht i dim herz / e sehr labili kondition dänn was mis lied dir vererbt / isch was de chrieg dir verwehrt zu chli friede bizli liebi / wirsch mit hinterlist bekehrt B4: was blibt? was blibt, de herbst / räge fallt in grade linie was blibt, d liebi / ihri umarmig laht mi schriibe was blibt, mini fee / wo mi treit uf grüene schwinge was blibt isch d revolte / eines tages wird si glinge was blibt wänn alles bricht / isch de umriss vome gsicht im spiegel vo de zyt / wo mi umgit und mi zerfrisst was blibt am änd vo allem / was blibt ide verzwiflig was blibt de hinterbliebene / was blibt wenns verbi isch es blibt revolution / es blibt autonomie die gluet isch kerosin / für d maschine wo mi triibt vilicht blibts nur utopie / vilicht paar schritt in richtig ziil vilicht entzündet sich am funke / s in ois glagerete benzin